ಶ್ರೀಯುತ ಡಾ|| ಸುಜಯ್ ರವರಿಗೆ ಕನಕಮ್ಮನವರ ನಮಸ್ಕಾರಗಳು : 2012ರಲ್ಲಿ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ ಸಣ್ಣ ಹಳ್ಳಿಯಲ್ಲಿ ವಾಸವಾಗಿದ್ದೆ. ನನ್ನ ಬಲಗಾಲಿನ ತೊಂದರೆಗಾಗಿ ಅಲ್ಲಿನ ವೈದ್ಯರ ಸಲಹೆ ಮೇರೆಗೆ ಚಿಕಿತ್ಸೆಗಾಗಿ ತುಮಕೂರಿನ ಅಸ್ಪತ್ರೆಗೆ ಸೇರಿದೆ, ಅಲ್ಲಿಯ ವೈದ್ಯರು ಸೂಕ್ತ ಚಿಕಿತ್ಸೆ ನೀಡದೆ ಇನ್ನೂ ಹೆಚ್ಚಿನ ತೊಂದರೆಆಯಿತು. ಆದುದರಿಂದ ನಿಮ್ಮ ಆಸ್ಪತ್ರೆಗೆ ಬರಲಾಗಿ ಕಾಳಜಿ, ದಕ್ಷತೆಯಿಂದ ಸೂಕ್ತ ಉತ್ತಮ ಚಿಕಿತ್ಸೆಯನ್ನು ನೀವು ಹಾಗೂ ಡಾ || ಪ್ರಶಾಂತ್ ಕೇಸರಿಯವರು ನೀಡಿ ಬಲಗಾಲಿನ ತೊಂದರೆ ನಿವಾರಣೆ ಮಾಡಿರುವಿರಿ. ನಿಮ್ಮ ಹಸ್ತಗುಣ ಹಾಗೂ ತಾಳ್ಮೆಯಿಂದ ಶೀಘ್ರ ಗುಣಮುಖಳಾಗಿರುವೆ ಈಗಲೂ ಸಹ ಫೋನ್ ಮುಖಾಂತರ ಸಂಪರ್ಕಿಸಿದಾಗ ಉತ್ತಮ ರೀತಿಯ ಸಲಹೆ ಸೂಚನೆ, ಔಷಧಿಗಳನ್ನು ಸೂಚಿಸುತ್ತಿರುವಿರಿ. || ವೈದ್ಯೋ ನಾರಾಯಣೋ ಹರಿಃ || ಎಂಬಂತೆ ನಿಮ್ಮ ಬಳಿಗೆ ಬರುವ ಎಲ್ಲರಿಗೂ ದೇವರ ಸ್ವರೂಪರಾಗಿರುವ ನಿಮಗೆ ಅನಂತ ಕೃತಜ್ಞತಾಪೂರ್ವಕ ಧನ್ಯವಾದಗಳು. ನಿಮ್ಮ ಸಹೃದಯವಂತಿಕೆ, ಕಾಳಜಿ, ದಕ್ಷತೆ, ಹಸ್ತಗುಣದಿಂದಾಗಿ ಇನ್ನೂ ಹೆಚ್ಚು ಹೆಚ್ಚು ಯಶಸ್ಸು, ಕೀರ್ತಿ ನಿಮ್ಮದಾಗಲೆಂದು ದೇವರಲ್ಲಿ ಸದಾ ಪ್ರಾರ್ಥಿಸುತ್ತೇನೆ.